Ветеринарлық фельдшер

Ветеринариялық фельдшерлер ветеринариялық дәрігерлер жүзеге асыратынға қарағанда ауқымы мен күрделілігі бойынша едәуір шектелген консультативтік, диагностикалық,
профилактикалық және емдік ветеринариялық жұмыстарды орындайды. Олар уақытша орналастыру және ветеринариялық көмек көрсету орындарында емдеу кезінде жануарларға қамқорлық көрсетеді, сондай-ақ процедуралар мен операцияларды орындау кезінде ветеринарларға көмектеседі.
Олардың міндеттеріне мыналар кіреді:
− жануарларды бағу, олардың аурулары мен жарақаттарын емдеу мәселелері бойынша консультация беру;
− диагноз қою немесе едәуір күрделі жағдайларда ветеринариялық дәрігерге жіберу мақсатында тексерулер жүргізу;
− ауру немесе жаралы жануарларды, әсіресе, кең тараған аурулар мен бұзылулар кезінде емдеу;
− үстелдер мен құрал-саймандарды тазалау мен стерилдеу, жануарларды тексеру және емдеу үшін материалдарды дайындау;
− жануарларды қолдан ұрықтандырумен байланысты техникалық міндеттерді жүзеге асыру;
− тексеру немесе емдеуге жататын жануарларды аулау, оларды емдеу кезінде ұстап тұру;
− емдеу кезінде анестетиктерді және оттегіні енгізу кезінде ветеринарларға көмек көрсету;
− операциядан кейін қалпына келтіру үшін жануарларды торларға орналастыруды,  олардың жай-күйін бақылау;
− рентгенографияны, үлгілер жинауды жүргізу, сондай-ақ жануарлар денсаулығының проблемаларын диагностикалау мен анықтауды жеңілдету үшін басқа да зертханалық
анализдерді орындау;
− жануарларда тұрақты стоматологиялық процедураларды орындау және жануарларды емдеуші ветеринарлар мен стоматологтарға көмек көрсету.